2 Tage Traditionsausfahrt, oder: Ausweichquarter.

Da heuer de Zimma in da Route 69 ausbucht worn, hauma uns entschieden noch Kärnt‘n zu „Friedl‘s-Garage“ zu foarn. Aum Saumstog sama pünktlichst um hoiba weggfoarn. I hob a supa Route geplant. Wos is passier? Des oasch Navi hot gmocht wos wü. I woa voi enttäuscht und augfressn weu ma ned so sche gfoan san, wia i woitat. Es muas a Neichs her.

Trotzdem hot di Aunreise Spaß gmocht, a poa floche Eichkatzerl, Bauernhofdurchfahrt, Bahnhofdurchfahrt, a bisl a Regn über die Pack, a poa schene Kurvn und scho samma beim Ossiachesee gwesn. Bei Friedl’s Garage wurden wir freundlich in Empfang gnumman, auf ostdeutsche Art bedient wordn, woa aum Aufong goa ned so afoch, oba späda woas gaunz nett, de Cornelia. Tschunior hot seine Schuach vergessn, do haum daun einige Echte aus Solidarität a glei de Schuach auszogn und wir san bloßhapat gaungan.

Zimmer san sauber und geräumig, Duschen etwas klein, wobei Sipu meinte er hat in der Dusche Samba getanzt fire-zruck-fire…und hot dabei aun sei Anita docht, auf des hinauf hot a an neichn Spitznaumen kriagt „Samba-Sigi“. De Situationskomik kauma do ned wiedagem. Ob Steak oda Burger, des Abendessen war sehr gut.

Da Friedl hot daun zu späterer Stund, nochdem er die Kuchl putzt hot, a runde Schnops spendiert, a gaunz a gmiadlicha Obend, sogoa de Clubhymne hauma zum Bestn gem. Nachreichhaltigem Frühstück (da Jimmy is scho amoi de Rafn worm gfoan - an Kurzbesuch bei sein Bauern) vom Buffet + HAM & Eggs, woitma pünktlich um hoiba foan doch Sipu hot sei Hosn gsuacht, er hots aum Vurtog scho wieda einpockt-drum hot ers ned gfunden. Verabschiedung von Präsi, Sipu, Hömal und Geada de san Richtung Slowenien und Kroatien weiter, se haum a poa Tog aughängt. Route 2 ins Navi importiert und ghofft das endlich funktioniert, erst noch mehrmaligen hochladen, umladen, wegladen, drauf scheißen und zurnig sei hots daun doch die richtige Route auzagt und ma mogs goa ned glauben es hot gstimmt.

Wir san daun den BPM-Modus gfoan, wers ned kennt des isda „Blumen-Pflücker-Modus“, über Almen, Weiden durch Bauernhöfe usw. a traumhofte Landschaft. Oiso Öster-reich is sche. Bei Bruck a.d. Mur hauma uns entschiedn übers Bandl heimwärts zu fahren, da sich ringsherum Gewittertürme aufbauten. Glei nochn ersten Tunnel sama auf de erste Roststation zuwe zum Regengwandl auziagn, de Blitz san imma heftiger wordn. Da Jimmy sogt do kummt a gölbes Trike, I ren ausse zur Autobahn, wink eam, er bremst se voi ei und schiabt verkehrt zruck in de Rost-station. Es woa da Blacki mit da Ivi. A kurzes Tratscherl und los is gaungan, strömender Regen, Gewitter a bisl vü Aqua auf da Stroßn oba lustig woas wies zwischendurch in de Tunnel aufgehört hot zum rengan, oba hoit nua in de Tunnel. Bei Wr. Neustadt woas daun scho fost trockn, do haum se Peda & Petra verobschiedet Richtung Eisenstadt, Jimmy kurz drauf bei Leobersdorf, und wia woan um 17 Uhr im Club.

A supa 2Tages Tour 906 km und 51,5l Sprit, hot vü Spaß gmocht, trotz dem klumpat Navi. Dank an alle die mich aufgebaut haum weu i so genervt und enttäuscht von mein Navi woa.Würd gern nächstes Johr wieda zum Friedl foan. (mit an neichn Navi), hot ma gfoin.

Vize Mac Meuli          Fotos: eh olle

Mit dabei:

Präsi, Vice, Hömal & Geada, Supa-Horstl, Samba-Sigi, Tschunior, Fredl, Erzi, Börnie, Jimmy, Faxe, Schewa-Peda & Petra, desmoi ohne schewan, er is mit da Yamaha gfoarn.